2021年7月28日 星期三

服輸

月初才說以經濟分析,市場沒有大跌的條件。然後月底這星期就被打臉了。

恒指連續兩日大成交下跌過千點,美股的中概股也連續幾日崩盤式(每日-10% 以上應該可以用這個詞吧?)下跌。雖然純美股還算站在高位,但始終難以獨善其身,週二晚也開始由高位下跌了。

這次跌市主要的借口先是中國一系列的規管,我想不到竟然可以狠下手把整個補教業幾乎連根拔起,已上市公司不可能轉為非營利單位,所以一是希望那篇意見真的只是意見還會再修改,或是把學科補教變成興趣班(例如運動藝術)。以補教業為首,之後再出台一系列各方各面的規管意見,在政策風險下就連大行也只能減低部位以避險。

本來這只涉及中概股,但後來又傳出中美會談不歡而散,港股美股也隨即大跌。自己重倉的TSLA 就算交出好到難以批評的財報,盤後也只是升了可笑的1-2%,正式開市後甚至倒跌(前幾次還算是已炒高所以財報後倒跌,這次根本沒怎樣炒高..)。重點是我自己的YTD 剛剛跌入負方(-1%)作賽,所以先清倉冷靜一下,待穩定一點才走回市場算了。

當然,這不涉及投資建議。我也承認這是有點情緒化,但最重要的是自己睡得安落嘛~

P.S., 睡前打這篇,我說的是美股。港股我還有約兩三成倉位,但科技股幾乎都全清了留下的多是廢老收息股...然後嘛,港股小反彈,我都搞不清是死貓彈還是已經跌定所以也沒什麼大動作。

P.S. 2. 剛寫完不夠24小時就有新聞指中證監開會聲明無意打壓其他行業,然後中概股反彈。我這時間還真的準得令人驚訝 (苦笑)

彭博:中證監急召投行開會解釋監管政策有針對性 無意傷害其他行業

16 則留言:

  1. 揸住幾張大期估唔到我都瞓到覺。SET個止蝕位,輸盡15個俾佢算了...其他正股就SH.............

    回覆刪除
    回覆
    1. 其實我尋晚單晚都輸左15 個將今年獲利嘔返晒出黎,所以先一嘢賣晒美股出一出場冷靜下先。

      真心講句唔好因為輸錢想補返就加注,向下溝俾你贏十次輸一次已經會被抬離場。Gap down 唔到你止蝕呢...

      刪除
    2. 輸左,有個立刻想追番的想法,反而容易急躁做情緒決定,最好冷靜

      刪除
    3. 情緒係好重要的一門課呢...

      刪除
  2. yan兄,我都減細左好多,想問下,你清左倉,咁你會睇咩情況會trigger番入市~~

    回覆刪除
    回覆
    1. 睇你幾時加注我就入場 XD

      我呢啲清倉係好短期的,始終心底係相信自己買開果堆科技公司永遠會發展,股價只會向上升。真係要重倉返的話就等中美關係落實(落實開片或者落實重啟都好),然後買純美股。始終政策風險唔係我預計到的,專注返間公司本身就算了...

      刪除
    2. 哈哈,我同你差唔多,可能減倉/清倉左好快手又入番場,不過有時太快手自己蝕底左好多,有時清完倉又見D貨升番,就會怪自己多做多錯,不過清倉可以俾自己組織一下D想法。

      刪除
    3. 剛講完晚上就有消息話中證監無意打壓其他行業,然後中概股就大幅反彈。 XDD

      刪除
  3. 我都有tesla

    美股,時常業績出完一兩天,
    走勢不可以理解

    回覆刪除
    回覆
    1. 短期係投票機,長期先係稱重器嘛。冷靜落黎後我都入返少少TSLA了

      刪除
  4. 永遠中國政策聽下就算,心中打了個底就算😂😂

    你連AAPL都清埋倉呀?

    回覆刪除
    回覆
    1. AAPL 我清左正股買左long call, 佢IV 低買遠期少少唔算太貴呢。

      刪除
  5. 短期走勢,好多來自新聞消息,到市場情緒
    新聞是末發生的事,可以預測?我覺得不可以

    回覆刪除
    回覆
    1. 短期走勢其實係random,買得耐就知其實自己的心理重要好多呢

      刪除
  6. 久經沙場的yan 兄,今早投降??
    頂住呀!

    回覆刪除
    回覆
    1. XD 結果我清美股倉清左差唔多24小時,星期五又回復滿倉操作了。

      今年好大上大落,今次係第二次跌到變負數彈返上黎(而家計YTD 得返可憐的2%),黎緊希望可以keep 到近幾年約20% 的成績唔好拉低條curve 啦...

      刪除