2022年10月11日 星期二

被市場狠狠地教訓了一年

市場早就有"Don't fight the fed"之說,但還是親身經歷過才了解這些市場智慧。

我一向的想法是利率只是回到3-5厘,只算是一個正常利率,對賺錢能力不錯的科技公司來說這不應有太大的影響。所以這一年來都用近年一套buy the dip 策略,結果就是不斷止蝕買入止蝕買入,虧蝕數字也越變越大,總結下來是一年就把我過去十年在市場賺到的都吐回去,除此之外還倒輸了不少。

所謂水退才知誰沒穿褲子,這次算是我第一個真正經歷的熊市,也算是親身體會到市況不利還堅持滿倉(甚至開槓)的後果。不幸中的大幸是還未輸到影響自己的生活,只是賬面上的流動資產比去年年初最高位跌了80%以上而已。

目前手上持有八成現金,但也因為輸得怕了所以大概不會再加倉。手上至少要有足夠的籌碼讓自己留在場上,把注碼調細一點,待情況更明朗才進場好了。

港股17000 以下當然是低位,長線買入民生股應該算是較穩健的策略。這也就是留有子彈在特價時段去shopping 的優勢了...

21 則留言:

  1. 對呀.此時不買.更待何時.慢慢買入優質及民生股

    回覆刪除
    回覆
    1. 前提係仲有子彈俾你慢慢買 XD

      刪除
    2. 嚴格黎講仲有少少MPF,手上的MPF 一半保守一半股票,比我自己個倉好N 倍了...v_v

      刪除
  2. 除息率外,美國的政治政策也今全球晶片及科技股陷入低潮。以為中國的政策巿難搞,美國都喺一樣⋯⋯

    回覆刪除
    回覆
    1. 上年先至講緊電動車要很多晶片,所以有晶片荒,到今年就完全唔同一回事,好似不用晶片都可以造車咁。

      刪除
    2. 芝蛋治> 其實跟FED 做淡係好好做,只係自己死多頭以為市況再差好公司都可以所以就咁...

      外星人> 上年一切唱好的理由今年好似完全唔存在咁。晶片無啦啦無人要了,NVDA 的算力變左垃圾,加密幣/NFT 更加變到好似全無價值咁。真係風水佬呃你十年八年但財演兩年就搞掂你...

      刪除
  3. 兩年前的痛返來!
    今次的重傷,真不知道何時康復。

    回覆刪除
    回覆
    1. 係喎,以為兩年前輸完可以翻身就無乜嘢。但其實陰跌輸得多過急跌好多呢。

      刪除
  4. 熊市buy the dip真係會輸得好慘,靜等右側機會可能仲好

    回覆刪除
    回覆
    1. 我而家都係咁諗,就算落注都唔會落太大慢慢黎算了...

      刪除
  5. 港股17000 只是短期低位,長遠下跌空間仍然很大,看看日股九十年代張圖就明。

    回覆刪除
    回覆
    1. 跌市莫估低嘛,跌穿二萬一覺得低,跌穿萬八又覺得低,除非一早plan 好邊個位下幾多注,否則好難做呢。

      刪除
  6. 回覆
    1. 賬面由高位跌落黎都相當痛,但好在生活同投資舊錢係分開的 (入完一舊錢入IB 之後唔再入就),始終仲有人工收入慢慢儲就OK,只係早前以為可以提早退休結果個幻想破滅呢。

      刪除
    2. 我個人認為財自退休計劃是長遠
      面對熊市都係過程一部分,尤其係退休之後仍有一段長時間,係不可以完全避免

      刪除
  7. 你提早退休,讀者就少了一個地盤眼福。:)

    回覆刪除
    回覆
    1. 其實我成日驚自己亂寫害到人,睇返tracy record 計命中率的話應該同掟銀仔差唔多(好似大屍果種其實唔易...)。

      多謝支持~ 呢邊變成月刊廢文但都仲有少少read 數,反正生意淡薄(輕倉下只係望下個市都無乜點炒了) ,可以多啲時間諗下寫乜好呢。

      刪除
  8. 回覆
    1. 輸少已經當贏了。

      咁啱我今日睇MPF,25% 美股跌左 三成,25 % 大中華跌左四成。就算一早轉左一半做保守,加埋都要輸近兩成呢...v_v

      刪除
  9. 看到你的文是十月,17000,幾個星期又跌幾千點,又彈返上來
    勁chok情況,很消耗投資者的意志

    加油

    回覆刪除