2020年7月3日 星期五

六月回報+半年結

六月回報為+17%。YTD 則為-27% 。

本月貢獻最多的是TSLA 和SQ,ARK 系列(ARKG/ARKK/ARKW) 雖然不起眼,沒有那些明星股般會有高單位甚至雙位數的日升幅。但自六月中買入到六月底的回報也有5-10%。港股在微創和騰訊上賺了一點,但相對來說不重要。

三年前開設IB 戶口,因為算是有一點點流動現金,也因為人到中年開始思考究竟工作的目的是什麼。所以放棄以前炒賣賺差價的做法,改為「穩健」的收息策略。這策略在2019 年運行得很好,單買優先股/債,基本上不怎樣做買賣也能跑贏大市,而且各項指標也比大市基金優勝。這個打法只要能執行兩年,我大概就能財自了。

然後呢,二月底三月發生的事不必我再詳述吧? 本以為穩健的收息打法大敗,自己的YTD 在最差時期甚至去到 -45%,以數字計就是把我以前在市場賺的連本帶利都吐回去。

經此一役我再也沒有信心買股收息了。只為那點利息,值得冒這麼大的風險嗎? 就算是熱炒股,我也有信心跌兩成就立即不問價止蝕,但優先股/債券在熔斷時的價差已經有兩成,根本做不到有效率的止蝕。當然這是個人問題,如果本錢夠多,不槓桿又分散開買二三十種的話放在一邊不管價格也沒所謂。

本來覺得「投資」就是要有穩定收益,在這幻想破滅後我就走回炒賣路線了。炒賣好像不好聽,反正我也很少day trade,把這說成是買成長/幻想股好像好聽點吧?

剛巧遇上大升市,我在4/5/6月的回報分別是+10/-4/+17%,因為NIO 和TSLA 近兩日大升,七月至今這三日的回報也有近10%。

以持倉計,回前手上有:

TSLA (45%)
ARKG (4%)
ARKK (8%)
ARKW (3%)
ILMN (4%)
NIO (5%)
RILYG (4%)
700 (5%)
853 (3%)
1873 (4%)

其餘16% 為債券,分別有:
ARLP 7.5% May01'25
CURO 8.5% Sep01'25
DCP 7.375% Perp
ENVA 8.5% Sep01'24
X Corp 6.875% Aug15'25

槓桿: 1.4

短期策略也是跟大市炒科技股,TSLA 因為太重倉所以大概不會再加了。網友熱中的打新,我則是意思意思地做一手黨抽一下。很偶然才會在暗盤做一下day trade (一萬幾千的話即日升跌只是有限數,目前來看勝率還可以)。始終我把主力放在 IB,銀行的錢只留着做應急/流動資金,沒有太多的流動資金可以像網友般分散上乙組去抽呢。

12 則留言:

  1. YAN 兄, 現在我也是見收息便驚..幸好坐字訣, 如果全走, 肯定短期已經不敢再入市..

    回覆刪除
    回覆
    1. 之前計過,當時2X 槓跌到最低點我係坐唔到會焗賣,然後因為好多個價停左喺度因為無交易,自己主動去賣IB 就會update 最新價咁又跌一筆,好可能會因此變成火燒連環船,所以要睇住個槓桿去賣啲仲值錢/margin requirement 高的東西。之後清到無槓後先買返啲跌得深反彈得快的股。

      我知道有朋友跌四成後離場唔玩,咁在心理上好過啲,但急跌完反彈的機會大太多,miss 左的話一係就永久離場唔掂股債好了...

      刪除
  2. 橋段熟口熟面.....
    身心同感受。2.x,訓都瞓唔到!
    不過,我手上仲有很多收息股。現在叫定下来,有d都返到家乡。希望收息/增长兩邊做,頂下去。

    回覆刪除
    回覆
    1. 「打不倒你的令你更強大」,生存到落去,下次遇到類似情況就會識點做。我雖然話已經好快第一次熔斷就開始清貨,但睇返都係唔夠狠,全倉不問價清貨等回升再買返新科技股的話,去到今日應該有正回報了。不過問題係世上無如果,所以下次類似情況就要執得得嚴格啲,雖然債券可以當佢不違約就無問題,但其他急跌股票其實更加值搏呢。

      刪除
  3. 一樣的橋段, 我最差時YTD是-50%, 最痛還買中2隻破產債。
    之後忍痛慢慢賣走債/cef/etd等等收息股, 換入美國科技股, 現7月大升後ytd追回到-14%。
    現在完全放棄所謂"安全"的借錢買收息產品方法, 這些流性低的產品真的防守性極低, 一點也不安全

    回覆刪除
    回覆
    1. 你好勁了,踩中兩隻破產債都仲可以回到-14% 。

      我轉身都係同你差唔多,不過六月時只係半倉科技股,係六月低開始賣走少少ETD 再入港/美當炒。

      防守性的話,如果你有幾千萬身家,唔槓賺5% 夠駛的話其實唔理價有乜所謂。不過我無,而貪呢5-8% 息我要冒差唔多的險的話,我當然係出去玩大佢啦...

      刪除
    2. 我之前都忍唔住入港股, 但在觀察多幾日後還是過唔到自己個關,投身新加坡 商業信託

      刪除
    3. 真係基於香港經濟的港股其實已經無乜好入,市場的焦點係在港上市的中資股。始終市場規模差太遠,本地股想像空間有限呢...

      睇到你買入的CJLU了,基本上呢啲好穩陣。只係自己想加入個音樂椅遊戲所以少掂呢類收息股了。

      刪除
  4. 我都係見到收息都怕怕,一d reits 債 傻先股都是一樣,一有什麼風吹草動,不論咩貨,市場都是變cash 為先,無防守力可言。
    既然係咁,何不買一d未來有憧憬既公司呢,起碼有想像空間,你見今次反彈,領先股大多都是有想像空間公司,傳統公司仲要無咩起息。

    回覆刪除
    回覆
    1. 三月果時好明顯係要錢唔要貨,乜貨仲有價就被人扔左先,扔到中期就不問價咁賣。我果時$2x 買ENVA 債放到而家差唔多賺三倍,不過正常都唔會有信心重注買呢個價位的債呢。

      其實股市次次都係咁炒憧憬,唔知而家新經濟可以炒幾耐。不過有故事的公司喺呢一刻就當炒,可能幾年後我地又會話呢個係泡沫呢。

      刪除
  5. 經歷過三月能夠留下來的,相信都可以更進一步
    Btw, yan兄轉身好快,成個倉經已唔同哂

    回覆刪除
    回覆
    1. 四五月時買過Costco、疫苗股GILD甚至BRK-B。然後GILD 疫苖結果唔太好所以斬左,costco 同BRK 升得太慢所以換返SQ/TSLA/NIO 等。叫做好彩追返少少,黎緊搵緊電動車以外下一個主題呢。

      今年最慚愧的一件事係我自己個倉的表現衰過MPF。MPF 我只係二月底/三月中/五月底轉換過三次,雖然三月都-18%,但而家YTD 已經打返和...v_v

      刪除