30以下的債券是什麼概念? 一般而言某公司差不多破產就是這個價。買入者為的不是利息，而是公司清盤後的清算價值。
雖然是佛系買債券，但我也立即問問google 大神該公司是否有任何突發事件。google 找不到相關新聞，當然就死馬當活馬醫地又重覆看一次去年12月的報表(這次是直接看10-K)。基本上這家公司體質還算良好，只有兩個理由這公司會變得近乎破產：1. 如房利美/房地美般的債務風暴(可以把Enova 想像成外國版的安X兄弟，他們主要做的是消費者借貸)；2. 該公司做假賬。當然還有外星人攻擊該公司總部，該公司CEO 把武漢肺炎傳給侵侵等極低概率事件，這些就按下不表了。
財表和新聞也看不到什麼，其實還有一個更直接的方法：看股價。股東權利在債券持有人權益之後，如果某公司面臨破產，則該公司的股票應該會跌得更誇張。
結果呢? 該公司的股票在這一刻隨大市上升6%。成交量也不算特別，開市兩小時的成交量大概等於平均單日成交量的1/3，以近來的亂況這成交量算是少的了。
以這一點點資料看來，我猜是有人不問價扔售債券，或是某用戶被call margin。
當然，也可能是有人知道該公司經營有問題，所以比股票更先扔售流動性不佳的債券。但如果我有這消息的話，我會先做遠期低價的SC，繼而沽空該股票，這樣大概比不問價扔售債券能賺得更多，執行者也能在清盤後拿回一丁點的清算價值。
以現有資料，我認為以這個價位買入此債券是值搏的。當然，因為這是賭搏所以我也不敢大賭，以26.3 的價位買了總值US7000的債券，實付US$1839。這算是勉強輸掉不心痛的金額，我就當做一張四年期的LC，最多歸零就算了。
最後也是這句：這純粹是個人投資的思路記錄。如果看不懂我為什麼覺得值搏，甚至連上邊在說什麼也不太懂的話千萬不要下注。
P.S. 寫完上邊這些話後，大概又有人買了5K， 現在餘下10K 的賣盤。我很有興趣看看把這些賣盤都掃光後下一個賣盤的價位是否昨天的5x，但要我再付二千多美元去看這底牌好像不太值所以就算了...
上述內容為個人意見，並不構成任何投資意見，本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前，投資者應考慮產品的特點、其本身的投資目標、可承受的風險程度及其他因素，並適當地尋求獨立的財務及專業意見。
真係唔知幾時先跌完
回覆刪除好同意用一個好負擔的注碼去搏, 1xxx 買7xxx確實係正, 我昨晚都有留意優先股
但都要好小心,所以反彈都係好假, 要控制注碼, 及時抽身
加油
謝謝提醒呢。
刪除自己經驗不足，老實講我分唔到係清槓桿的恐慌性扔售定間公司有啲我睇唔到的問題。始終隔山買牛，呢類公司我地唔會同佢有接觸，只有用間接證據去估所以都唔敢大注，小賭一下就算。
起碼我都仲有兩成現金放喺銀行，IB 戶口現槓桿率賣到得返0.9。投資呢舊錢雖然都重要，但就算無晒都仲有樓住有正職收入同有少少現金喺身邊，點都死唔去呢。
至於優先股嘛，我真係唔敢買住了。上星期賣到手上得返 500股RELYG，計落現值四五萬港紙就由得佢喺度鬥長命(重倉係債，如果經濟真係差到手上呢十隻八隻都清晒盤，total loss 的話我都無嘢好講了)。
多謝Yan兄分享, 我也在gurufocus 看過ENVA資料, 發覺公司也是穩定, 今晚看看能否在26.x入些貨, 謝謝
回覆刪除雖然大家都應該知，但都係要提一下：自己分析過，預左會輸晒先好買呢。(佢尋晚最後的價係26.4/50.1)
刪除不過咁，其實有一個我唔知算唔算大的問題：我前日試下上Enova或者佢啲子公司的網站，美國果邊全部上唔到，唯一仲上到的係佢investor relationship 果一頁同埋巴西分公司。但睇google 快照又可以睇到尋日的情況，唔知係咪因為法規佢block 晒所有non-US IP，定另有內情。(佢UK 業務上年就唔做了，財表有寫）
如果買要考慮呢個風險。我就係咁所以只敢入少少...
謝謝Yan兄提醒, 完全明白風險問題, 放心, 買賣完全是自己的決定的^^
刪除今朝起身見到呢個價都係諗住買少少博下，個價太殘，不過今晚應該冇呢個價了。
回覆刪除呢一刻係35/68，無人再不問價清貨了...
刪除帳面26,但下面賣價要去到50...我周五晚都扑唔到傻瓜，哈哈
回覆刪除BA我都試排35。。。
刪除經過今個星期六日，歐美又爆一輪又多幾個州/城市封城，黎緊星期一應該再一次大跌，睇下到時又會唔會有要錢要唔貨的大平賣出現呢...
刪除而家做買方可以shopping，但做賣方被迫賣貨就相當痛苦。雖然輸唔少，但我都幾慶幸自己一早平左槓桿...
剛剛找ENVA 2024債券 是就看到你的分享，btw 謝謝你分享，想不到這債價都頗嚇人
回覆刪除sorry 而家見睇到呢段。
刪除上年呢個時候好恐怖，高息債/優先股好似世界末日，20% yield 週街都係，只係睇你有冇錢/敢唔敢買。呢個係我地呢代人少見的流動性風險，而家睇返當時應該KO 左唔少人...
當時其實我都輸到驚，正常的話起碼會掃晒26.3 果幾千蚊的買盤。呢隻我記得好快就升返三倍去到7x，五六月當時係少數我overall 唔駛輸的債券呢。