港股連續兩日各下跌一千點後，週三週四以破記錄3000 億成交再每日反彈千三/四點，股民可謂來回地獄又往返人間，情緒一時極恐慌一時又極樂觀。語言偽術不太精湛的各路KOL 則全線中伏，週二說港股沒集資價值，週三說是技術性反彈到週四就索性不發視頻了。當然，這只限於還看重個人聲望的KOL，投行則可以週一二說中概已失去估值支撐/中概科技不可投資，週三週四又指中國經濟不太可能衰退。
我沒這麽不要臉說自己已在跌市時清倉升市前買貨。自己的操作是在週一減了點倉，難得地只留八成倉位。但這是因為週六日仔細看看本年實在輸得太慘，所以減一下倉留點收息股冷靜一下。週一減完倉後週二沒什麼動作(哪來的信心去撈底...)，然後週三邊聽鮑sir 再三強調美國經濟很強邊追貨，週四港股時段沒什麼大動作，美股時段炒了一下中概股(主要是FUTU)再買了少許TQQQ 把槓桿升至近2，最後週五時減了點TSLA 把槓桿拉回到1.7 左右。以週計的話算是跑贏大市(+10%)，但因為之前輸得太慘，所以總結來說還是離家鄉非常遙遠，大概是回到20 年4-5月的水平吧。
這週的行情正好讓各股民檢討一下自己的風險管理。如果週末已經重槓，週二很可能會被動地減倉，然後股市反彈時正常來說不可能第一時間就撈底，結果變成輸時輸100%，賺錢時只能賺50% ，長遠下去只有輸死一途。應該預留部份資金讓自己有進場的空間就是說這種情況。
我們不太可能預計市場的走勢，能做的是控制注碼和曝險程度。我的槓桿水平在不少人眼中都有點太過份，但其實我加減槓桿的速度還算快，雖然戶口賬目大起大落但總不至於輸身家就是了。
本週總結：減了點TSLA 免得一股獨大，趁特價時段買了點AAPL/MSFT/FUTU/TQQQ，跟隨股神操作慢慢地加了點OXY。
目前持倉：
港股(各4-5%)
1052 - 越秀交通
1373 - 日本城
2137 - 騰盛
3800 - 保利協鑫
548 - 深高速
700 - QQ
美股：
ARKK/FUTU/OXY/TQQQ (各約5%)
AAPL(10%)
MSFT/TSLA (各約20%)
Yan 兄其實星期一減到倉巳經很好！今年暫時睇可能輸少當贏，因為整體風向特別港股都係利淡較多。兄台在市況差執吓倉都係好，好奇為何會買2137？此股跟其他B股也是大上大落，另港股倉的日本城，深高速同1052收息為主？
回覆刪除其實係純粹好彩，一月開始減的話今年就輸少好多...
刪除2137 係短炒，星期三10.1 買，然後分批星期五/今日已經清晒。啲B 股隻隻都大上大落，買果一刻似反彈再加上順勢炒下肺炎藥咁無諗過同佢做人世。
幾隻收息股係一月尾時買落的，諗住留少少收息股當觀察倉。好在係幾隻收息股在大跌市時都唔算跌得好甘。我星期日先真係拎越秀份財報出黎望下，睇睇下覺得雖然OK 但唔算好吸引，所以今日都順手賣埋(呢幾日會睇埋日本城/深高速)。
睇師兄風格，會唔會考慮下控制個MDD? 大上大落，長遠唔易搞呀 :-)
回覆刪除係呢。所以我減緊TSLA，之前一隻太重倉賺時當然賺得好但蝕時都好甘。
刪除而家開始有啲理解點解會買大市ETF，總覺得投資呢回事好似由淺入深然後再由深入返錢咁。或者有一日我會變成只買SPY 然後buy and hold 咁呢...
每次暴跌都係重新審視番自己既理念，操作風格同風險既時刻。同埋睇yan兄既操作，都覺得很果斷很快，真係少啲心血都唔掂 XD 大概呢啲就係慣左重杠既人操作風格～
回覆刪除我都想買廢老收息，但因為個本唔夠大所以焗住要賭呢。考慮我對上兩年基本上都係重槓，走慢啲的話好易死所以無得諗太多。黎緊我都想慢慢減槓，始終大環境無乜重大利好呢...
刪除槓杆去到1.7，好似有點高。
回覆刪除我自己好驚2020時撲錢救倉和忍痛賣貨的日子，所以現在保持1.5以下。
我仲好記得:一個浪衝過黎，先知自己無穿泳褲的感覺😱。
2020年3月個情況大家都歷歷在目，所以而家我都唔敢掂啲流動性太低的東西。仲記得當時竟然可以2x 買啲債呢。
刪除雖然話開緊槓，但因為大股如MSFT/AAPL 的margin requirement 唔高，其實都仲有唔少購買力。我都睇緊機會去減槓呢。
哈哈，你果頭錢到手，我這邊走去撲錢😵
刪除