2021年3月2日 星期二

散戶心態

經歷過恐慌的兩週,通脹再臨債息上揚外星人襲地球世界末日等等後,港股美股在28/2 好像按了reset 般把過去的負面消息掃到桌底,然後又回到恒指四萬gogogo 的狀態了。

可以借新聞炒,但切忌太相信那些報道。單看「沈大師」縱橫股場數十年還能主持股評節目,大概就能知道大眾都有失憶的本性。只有最剌激眼球的評論能讓觀眾注意到,但評論人自己卻沒下場買賣,而且明天就能把今天評為影響未來數年的事件掃到一邊去。猜中當然是自己英明,否則一句「市場早已price-in」就能解釋一切,根本沒有可驗證性。

股票投資總有賺蝕,強如巴郡在去年三月也有20% 的跌幅。世上不會有一買就升,中間都沒什麼像樣的下跌就一飛沖天的股票。相信我,股票下跌時所有壞消息都會走出來告訴你這股票不行,如果再加上討論區「最後逃生門」、「走呀!」等呼叫,讓你有一種不走就沒機會的氛圍時就相當危險。趨勢投資是在走勢開始時跟入,而散戶的追漲殺跌則是漲到一定程度才後知後覺跟入,開始跌時不走,在跌勢最兇時就止蝕在最底點。一次兩次還可以說是自己不幸,但太常這樣的話就該檢討一下自己的打法吧?

每次買賣時請想一下為什麼做這個動作。我不反對看圖甚至看盤路去買賣,但請堅持自己的看法。就算看錯了,至少還能從錯誤中汲取教訓。

買股票就像放狗,大方向你應該要知道,只有短期波動是難以預料的。我們一是賺趨勢,一是賺波動。相對之下,賺波動的短炒更難操作呢...

[後記]早上剛發完這篇,恒指就借波叔說不排除進一步上調印花稅而由升300 點變成跌300 點。

以財政司的身份,被這樣問當然只能答這種保留答案。然後就有人帶風向把這解讀為會進一步加稅從而造低股市。

參考一下成交量,內地股市偏弱才是主因。剛巧波叔接受訪問,所以才再用這借口去推倒港股而已。

6 則留言:

  1. Yan兄,
    我同 Ed Choi 兄講一樣。
    你仲用緊iPhone,電腦仲係Microsoft office/Windows, apps仲有Adobe, PayPal,銀包仲有Visa card。淡淡定,有錢剩。

    回覆刪除
    回覆
    1. 其實我好淡定~ 差唔多追返上個月的跌幅了...

      我地而家買呢堆科技股,就好似當年老巴買可樂咁。業務簡單(定期推新產品,呢個對上述公司黎講已經係流水線)、長期消費、有護城河等等。雖然我手上只係得AAPL, 但其他的我都覺得唔怕買。

      當然,要發達的話單係咁唔夠,要搵啲地方突圍。所以我就成日咁週圍睇blog 搵下靈感呢~

      刪除
    2. 升升跌跌,經常發生,大師就唔駛理架喇。。。。。

      刪除
    3. 大師咁都搵到食,除左失憶之外一定有過人之處可以俾我地學習的!

      好多時我地會為升跌搵原因,但「升得多,所以跌」往往係最單純而且直接的原因呢。

      刪除
  2. [升得多,所以跌],等於[阿媽係女人]。
    大師真係大師.....

    回覆刪除
    回覆
    1. 都唔係架,仲有「因為跌,所以跌」,唔穿XXX 旳話就可以上望XXX 等等。出得黎行總要有一堆廢話傍下身呢...

      刪除